បច្ចុប្បន្ន Mano Gaming គឺជា Streamer ដ៏​ល្បី​ទាក់​ទង​ជា​មួយ​ការ​ផ្សាយ​ផ្ទាល់ (live)លេង​ហ្គេម​នៅ​លើ​ហ្វេស​ប៊ុក និង​ជា Caster (អ្នក​អធិប្បា​យ​ហ្គេម) កំពុង​មាន​​ឈ្មោះ​បោះ​សម្លេង​។ បច្ចុប្បន្ន​​រូប​គេ​លេច​មុខ​ស្ទើរ​តែ​រាល់​ថ្ងៃ​នៅ​លើ​​ហ្វេស​ប៊ុក រួម​ជា​មួយ​ពាក្យ​សម្ដី​និយាយ​ជា​មួយ​ហ្វេន​រួស​រាយ​ផង​ដែរ​។

Mano Gaming មាន​ឈ្មោះ​ពិតថា ធាង វ៉ាធិប អាយុ ២៤ ឆ្នាំចាប់ផ្តើមចូលចិត្តលេង​ហ្គេម ឬកីឡា​អេឡិចត្រូនិក​នេះ​តាំង​ក្មេងមក​ម្លេះ នឹង​ចាប់​ផ្តើម​ប្រឡូក​ចូល​ក្នុង​វិស័យ Streamer ធ្វើ​ការ​ (live)លេង​ហ្គេមនៅ​លើ​​ហ្វេស​ប៊ុកតាំង​ពី​ដើមឆ្នាំ ២០២០ កន្លងទៅ។ ក្រៅពីអាជីពជា Streamer បច្ចុប្បន្ន ធាង វ៉ាធិប ក៏​រកសុីតាម Online ដូចជាការ លក់ផលិតផលផ្សេងៗផងដែរ។

ធ្លាប់​ជួប​ឧបសគ្គ​ច្រើន និង​ពេល​ខ្លះ​ធ្លាប់​មាន​គំនិត​ចង​បោះបង់​ក៏​មាន តែសម្រាប់អាជីពជា Streamer នេះយុវជនវ៉ាធិប បាន​ឲ្យ​ដឹង​ថា វា​គឺ​ជាការងារ​មួយ​ដែល​ខ្លួនស្រលាញ់តាំងពីក្មេងអឺចឹង​ហើយ ក៏​បាន​ធ្វើ​ឲ្យខ្លួនព្យាយាម​ធ្វើ​​តស៊ូ​ជម្នះរហូត​ទទួល​បាន​ការងារ​ជា​ច្រើន​ក្នុងអាជីពជា Streamer នេះដែល​បច្ចុប្បន្នអាច​រក​ចំនូល​បាន​គួរ​សម​។

ទាក់ទងជា​មួយ​អាជីពជា Streamer នេះដែរ​យុវជន វ៉ាធិប បាន​បន្ថែម​ទៀត​ថា ប្រហែល​ជាមិនអាចបោះបង់ចោលទេ ប៉ុន្តែ​នៅ​ថ្ងៃ​មុខ​ខ្លួន​មាន​គម្រោង​មួយ​ចង់​សម្រេច​ឲ្យ​បាន គឺ​ចង់បើកហាងលក់គ្រឿងអេឡិចត្រូនិក ដូចជា សម្ភារ ទូរស័ព្ទ និងហ្គេម។ បើ​នៅ​តែ​មាន​អ្នក​គាំទ្រ​ដូច​សព្វថ្ងៃ រូប​គេ​នឹង​នៅ​តែបន្តអាជីពមួយ​នេះដដែល។

រំឮក​ដែរ​ថា Mano Gaming មុនក្លាយជា Streamer ពីមុនរូប​គេជា Youtuber ម្នាក់ដែលធ្វើវីដេអូ Game បង្ហោះក្នុង YouTube ហើយ​ក៏​​ធ្លាប់​បាន​ប្រឡូក​ចូលវិស័យ E-sport រៀប​ចំឡើង​ដោយ​ក្រុមហ៊ុន​ក្នុង​ស្រុកដូចជាការ​ប្រកួត​ Mobile Legend, Rules Of Survival, League of Legend, AK Onilne រួម​នឹងហ្គេមជាច្រើនទៀត៕