បន្ទាប់​ពី Lexus ខកខាន​មិនបាន​ចេញ​រថយន្ត CT 200h ប៉ុន្មាន​ឆ្នាំមក ធ្វើឱ្យគេយល់ថារថយន្ត​នេះ​នឹង​មិនត្រូវបាន​ក្រុមហ៊ុន​ផលិត​ទៀតឡើយ ប៉ុន្តែ​អ្វីៗខុសពីការគិត ពោលគឺ​ Lexus មិនបាន​បំភ្លេចវាចោលទេ ដោយ​បាន​បញ្ចេញ​ម៉ូដែល​ពិសេស​ថ្មី​ហៅថា Cherished Touring ដែល​ជាម៉ូដែលចុងក្រោយ មុនអស់ជីវិត។

រថយន្ត Lexus CT 200h Cherished Touring edition មាន​ជម្រើសពណ៌២ គឺខ្មៅ (Graphite Black) និង ពណ៌ស (Sonic Quartz)។ រូបរាង​របស់វា​រក្សា​ដដែលទេទាំងមុខនិងក្រោយ ប៉ាណា Spindle ដែល​ជា Unique របស់​ Lexus អំពូលកាត់​អ័ព្ទ និងកាង។

ផ្នែក​ខាងក្នុង​រថយន្ត បំពាក់​ពូកស្បែក​ពិសេស (upholstery) ដែល​មាន​២ពណ៌ គឺខ្មៅ​ខាងក្រោម និង​ខាងលើក្រហម ហើយ​ជញ្ជាំងដៃទ្វារក៏មានពណ៌លាយដូចគ្នាដែរ។ ម៉ូដែលពិសេសនេះ មានមុខងារកម្តៅ​ពូក និង​ដៃចង្កូត។

ជាមួយគ្នានេះ CT 200h ម៉ូដែលថ្មី ក៏បន្តមកជាមួយ​ម៉ាស៊ីន​ស៊ីឡាំង៤ ចំណុះ ១,៨លីត្រ ផលិតបាន​កម្លាំង ៩៨សេះ និង​កម្លាំង​រមួល ១៤២ញ៉ូតុនម៉ែត្រ បន្ថែមជាមួយម៉ូទ័រអគ្គិសនី១ ផលិតបានកម្លាំង ៨០,៥សេះ និង​កម្លាំងរមួល ២០៧ញ៉ូតុនម៉ែត្រ។

រថយន្ត CT 200h Cherished Touring edition ត្រូវបាន​ដាក់​លក់​ក្នុង​ប្រទេស​ជប៉ុន តម្លៃប្រមាណជាង ៤,២២លានយ៉េន ឬជាង ៣៦ ០០០ដុល្លារអាមេរិក។

សូម​រំលឹក​ថា Lexus បាន​ដាក់​បង្ហាញ CT 200h ជាលើកដំបូង​ ក្នុងពិព័រណ៌ Geneva Motor Show 2010 ហើយ​បញ្ចេញលក់​ក្នុងឆ្នាំ​២០១១។ នៅឆ្នាំ២០១៤ បន្ថែម​ប៉ាណា Spindle។ មកដល់ឆ្នាំ​២០១៧ រថយន្តនេះ​ត្រូវបានផ្អាក​ផលិត​និងលក់​នៅអាមេរិក ប៉ុន្តែបន្តលក់​នៅ​ជប៉ុន និង​អឺរ៉ុប។ នៅឆ្នាំ​២០២០ Lexus ក៏​សម្រេច​បញ្ឈប់​លក់​រថយន្ត​នេះ​នៅអឺរ៉ុប​តែម្តង៕

ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375៕