រថយន្ត​ Ford Ranger XLT Modifi Raptor ស៊េរីឆ្នាំ២០២២ ត្រូវបាន​ដាក់​លក់​ក្នុងប្រទេសកម្ពុជា ដោយមានតម្លៃ​ខ្ទង់ ៥៤ ០០០ដុល្លារ។

រថយន្ត​នេះ ត្រូវបានកែកុនតុបតែងពីរូបរាង​ដើមនៃ​ Ford Ranger XLT ឱ្យមើល​ទៅកាន់តែ​កាចមុខធំ ស្រដៀងនឹង F-150 និង​បំពាក់​បរិក្ខារ ឬគ្រឿងលេងបន្ថែម ដើម្បី​បំពេញ​តម្រូវការអតិថិជនពិសេស​សម្រាប់​ការបើកបរ​លើផ្លូវ Off-road។

គួរបញ្ជាក់​ថា Ford Ranger XLT ប្រើម៉ាស៊ីន EcoBoost ចំណុះ ២,៣លីត្រ បង្កើតបានកម្លាំង ២៧០សេះ និង​កម្លាំងរមួល ៤២១ញ៉ូតុនម៉ែត្រ ដំណើរការ​ជាមួយ​នឹង​ប្រអប់លេខអូតូ ៦វគ្គ។ វាក៏មាន​ជម្រើស​ម៉ាស៊ីន ២,២លីត្រផងដែរ។

លក្ខណៈពិសេស​របស់​រថយន្ត​ម៉ូដែលនេះមានដូចជា ចង្កៀងគុជ HID (HID Headlamps) និងចង្កៀងបំភ្លឺផ្នែកខាងក្រោម (Fog Lamps) ដែលមានភាពភ្លឺច្បាស់ជាងមុន, ចង្កៀងបិទ/បើក និងហ្វាកូដដោយស្វ័យប្រវត្តិ, ប្រព័ន្ធកូនសោឆ្លាតវៃ (Smart Key) និងចុចបញ្ឆេះរថយន្ត (Start-Stop Engine) និងចេញចូលរថយន្តដោយគ្រាន់តែយកដៃទៅស៊កនឹងដៃទ្វារ, កាមេរ៉ាជំនួយចូលចតផ្នែកខាងក្រោយដែលមានខ្សែគំនូសពណ៍ស រេតាមចង្កូត (Rear View Camera), សេនសឺផ្នែកខាងក្រោយចំនួន 4 គ្រាប់ (4 Rear Sensors), ចុចកព្ចាក់ក្តោបដោយស្វ័យប្រវត្ត (Auto Side Mirror Folding System) និង ផ្លិតទឹកអូតូ។

ផ្នែក​ខាងក្នុងរថយន្ត គឺ​ចង្កូតបូមអេឡិចត្រូនិចដែលមានលក្ខណះធូរងាយស្រួលបើកបរ, ប្រព័ន្ធបញ្ជាដោយសម្លេង កុងទ័រឌីជីថល, កញ្ចក់មើលក្រោយអាចកាត់បន្ថយចំណាំងផ្លាត,  អេក្រង់ Touch Screen 8 អ៊ីញ សម្រាប់គ្រប់គ្រង វិទ្យុ តន្រ្តី និងការកំសាន្តផ្សេងៗ , បច្ចេកវិទ្យា SYNC 3 ជំនាន់ថ្មីដែលអាចធ្វើការភ្ជាប់ផ្ទាល់ជាមួយនឹង Apple CarPlay, Android Auto និង Google Map (New SYNC 3 Technology) និងមាន​រន្ធ USB ចំនួន 2 និងរន្ធសាកកម្លាំង 12V នៅផ្នែកខាងក្រោយ។

ចំពោះ​ប្រព័ន្ធសុវត្ថិភាព​វិញ រថយន្ត Ford Ranger XLT បាន​បំពាក់​ពោងសុវត្ថិភាព ៦គ្រាប់, ប្រព័ន្ធសម្រាប់កំណត់ល្បឿនអតិបរមាពេលបើកបរ, ប្រព័ន្ធទប់លំនឹងរថយន្តពេលបើកបរលើផ្លូវកោង រអិល និងបញ្ចៀសការក្រឡាប់,  ប្រព័ន្ធទប់លំនឹងកុំឲ្យរអិលថយក្រោយពេលឡើងចំណោត, ប្រព័ន្ធទប់លំនឹងពេលចុះចំណោត,  ប្រព័ន្ធហ្រ្វាំង ABS និងEBD, ប្រព័ន្ធជំនួយក្នុងការចាប់ហ្រ្វាំង, ប្រព័ន្ធគ្រប់គ្រងប៉ុងរបស់រថយន្ត (កាប់ពីតាស) និង​ប្រព័ន្ធចាប់ប៉ុងក្រោយដែលជួយសម្រួលដល់ការជាប់ផុង៕

ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕