សាកប៉ុន្មានក្បាច់នេះ អាចឲ្យ Note 9 កាន់ថ្មកាន់តែយូរជាងមុន

2018-09-10 19:25:41
ចំណេះដឹង

2018-09-10 19:25:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មរបស់ Galaxy Note 9 មានលទ្ធភាពផ្ទុកថាមពលថ្មដល់ទៅ 4000mAh អាចប្រើប្រាស់បានលើសពីមួយថ្ងៃ។ មានគន្លឹះបន្ថែមមួយចំនួនទៀត អាចជួយបង្កើនរយៈពេលប្រើប្រាស់បានកាន់តែយូរ។

ជំហានបឋម

មិនគួរប្ដូរទៅប្រើ WQHD+ Display Resolution នោះទេ
បិទមុខងារ Always On Display ពីជម្រើស Lock screen ក្នុងកម្មវិធី Settings
បិទ Auto Brightness ក្នុង Display menu នៃកម្មវិធី Settings

បិទរលកសញ្ញាមិនប្រើ

ប្រាកដថាបិទ Wi-Fi និង Bluetooth ពេលមិនមានតម្រូវការ ការពារកុំឲ្យឧបករណ៍បន្តស្វែងរករលកសញ្ញាឧបករណ៍នៅក្បែរៗ ខ្ជះខ្ជាយថាមពលថ្ម។
គួរបិទមុខងារស្កេន Wi-Fi និង Bluetooth ដែលជំនួយដល់ការចាប់ទីតាំងបានត្រឹមត្រូវ។ មុខងារនេះបើកមកស្រាប់ អនុញ្ញាតឲ្យកម្មវិធី និង Service នានាស្កេនស្វែងរក Wi-Fi និង Bluetooth សូម្បីតែបានបិទរួច។ អាចចូលទៅកាន់ Connections menu របស់កម្មវិធី Settings > ចុចលើ Location រួចបន្តទៅ Improve accuracy។

ចាប់អារម្មណ៍លើកម្មវិធី

យូរៗម្ដងគួរពិនិត្យមើលថាមពលថ្មដែលកម្មវិធីត្រូវការចំណាយ ដោយចូលទៅកាន់ជម្រើស Battery នៃ Device maintenance ក្នុងកម្មវិធី Settings។ បើឃើញថាកម្មវិធីប្រើថាមពលថ្មច្រើនជាង ១០% គួរពិចារណា ក្នុងការលុប ឬអាប់ដេតកម្មវិធី (ក្រែងមានដំណោះស្រាយពីអ្នកអភិវឌ្ឍន៍)។

លុបកម្មវិធីលែងប្រើ

គួរលុបកម្មវិធីនានាលែងមានតម្រូវការ ដើម្បីបង្ការកុំឲ្យចំណាយថាមពលថ្ម។
រាល់កម្មវិធីបានបើកដំណើរការប្រើទិន្នន័យនៅ Background ប្រហែលប្រើអ៊ីនធឺណិត (Mobile Data) ដើម្បីរក្សាទិន្នន័យចុងក្រោយ សូម្បីតែកម្មវិធីមិនកំពុងប្រើក៏ដោយ។ ចូលទៅកាន់ Settings > Apps ហើយជ្រើសរើសកម្មវិធីចង់បិទ > ចុចលើ Mobile data និងចុចប៊ូតុងបិទត្រង់ Allow background data usage។

ប្រើមុខងារ Power Saving mode របស់ Samsung

ងាយស្រួលបំផុតក្នុងការពន្យាររយៈពេលប្រើប្រាស់គឺប្រើមុខងារ Power Saving Mode របស់ Samsung អាចពង្រីកការប្រើប្រាស់ដល់ទៅ ២ថ្ងៃ កន្លះ ពេលកម្រិតថ្មនៅត្រឹម ៤០%។ ជម្រើសនេះមានក្នុងផ្នែក Battery នៃ Device maintenance ក្នុងកម្មវិធី Settings ជាមួយនឹង Medium និង Maximum modes ជួយកែប្រែ Setting ខ្លះសម្រួលដល់ការប្រើថាមពលថ្ម៕